Idrettsstipend til Robert Andre Ruud

Det var Ola Terje Oleivsgard, leiar i Sektorutval for kultur og oppvekst som overrekte stipendet, og her er talen hans: 

Ål kommune sitt idrettsstipend for ungdom bli for året 2016 tedelt ein utøvar som allereie ha nådd langt i idretten sin, og eit samrøystes Sektorutval samla se om denne personen, som også var innstillinga frå Ål idrettsråd. Utøvaren er så godt som 21 år, fyller faktisk det i dag, og har markert seg på eit høgt nivå i ulike konkurransa over fleire år no. Me er innan alpin-sjangeren, og litt som i kulturstipend-tildelinga handlar det også her om karstykkje; for Twintip køyring er basert på triksing på ski, med hopp og diverse krumspring på rails.

 Av gode plasseringar er lista lang, me nemner dei aller beste; tredje plass i Junior-VM i 2014, norgesmeister i Big Air i 2015. I år kom den fyrste seiern i eit Norgescup-renn, det va i slopestyle i Drammen, andreplass i Norgescupen samanlagt vart det også, det vart seier i Høkkers invitational i Vågå og etter det like godt kongepokal i NM, i slope style rennet der. Utøvaren har tidlegare vore på juniorlandslaget, kjempar no om plass på seniorlandslaget og er for 2017 lova deltaking i world-cup renn. Så her bli det høvu te å markere seg ytterlegare i tida som kjem.

Me har også merka oss at stipendvinnaren engasjerer seg i rekrutteringa i Ål, ved å vera med på å starte twintipklubb i lag med alpingruppa og bidra på trenarsida her og hjelpe til med å setja opp element og køyre ilag med yngre utøvarar. Slik går idrettsgleda ilag med engasjement for lokalmiljøet. Alt dette er gode grunnar for å få tildelt idrettsstipendet.   

Ål kommune vil med dette få ynskje til lykke med dagen, me bør vel ikkje si break a leg, … men derimot lykke til med vidare framgang og gratulerer med idrettsstipend for 2016 til Robert Andre Ruud.