Så var Vinmonopolet kome til Ål.

Eit snautt år etter at vedtaket vart gjort i styret for Vinmonopolet var det tordag stor stas og opning av pol nr 264.

Polet har fått plass i Ålingen kjøpesenter der det tidlegare var blomsterforretning. Butikken er innreda etter den nye stilen butikkane til Vinmonopolet skal ha - lyse og innbydande. Ålpolet har 300 varesortar å by på og handelen fyrste dag gjekk livleg. Wencke S Kleivdal, til no tilsett på polet på GEilo er tilsett som styrar ved Ålpolet.

Handelslekkasje har vore ein av hovudargumenta til dei som sidan 2002 har kjempa for å få pol til Ål. Dei reknar med å selja 70 000 liter på dette polet pr år.