Stamfiskeanlegget i Hovet over til private?

Ål vidaregåande skule har fremja forslag for Fylkeskommunen om at fiskeanlegget i Hovet skal omdannast til eit AS og få fleirtal av private eigarar.

Det nye selskapet skal heite Hallingfisk AS og her vil Buskerud fylke i følge intensjonsavtalen gå inn med 1/3 eigarskap og private 2/3. Selskapet har som formål å vera eit utviklingsselskap for fiskeoppdrett og foredlin av innlandsfiske.
Fylkesrådmannen er usikker i saka og fremjar forslag i to alternativ - å halde fram som no med rein fylkeskommunal drift og å gå inn i det nye selskapet som mindretallaksjonær.
Reiselivsnæringa i Hallingdal har vist interesse for bedre tilgang til større settefisk og lokalprodusert fisk, og rådmannen meiner dette kan telle til fordel for å få inn nye aktive og interesserte eigarar.
Saka skal opp til behandling i hovudutvalet for utdanning 1. juni i møtet som då er på GEilo.