Ost frå Rueslåtten til topps!
Det var tre ostar som kjempa i finalen: Kubbeosten frå Rueslåtten, Bufast frå Avdem gardsysteri i Oppland og Valdresost Bufar frå Valdresmeieriet. David mot Goliat - og David vann no også! For dei som ikkje kjenner kubbeosten så er det ein modna kremost laga på rå geitemjølk frå garden Øvrejorde. Osten er modna med mjølkesopp. Smaken på osten følgjer sesongvariasjonen. Om vinteren er den mild og rund, frisk og fyldig. TIdleg på våren har den eit hint av grønt, friskt gras og urtar. Sommar og stølssesongen gir ein variasjon av smak alt etter kva geitene beiter på!
Då er det berre å rope høgt hipp hurra for osten frå Ostebygda som atter ein gong går til topps i ei tevling. Og osten får du blant anna på utsalet i Hol ysteri som er oppe laurdag til kl 17.00
