Nes 2: Oliver Espegard, Jonas Skjellanger og Ida Storeli,
Nes 2 til semifinale
Det var eit reint internt oppgjer i tysdagens kvartfinaleoppgjer i KVM
Trekkinga ville seg slik at Nes 1 vart trekt ut mot Nes 2, og tysdag kveld møttest dei til dyst i kommunestyresalen på Gol. Det er sikkert litt spesielt å kjempe mot eit lag frå eiga skule, fordelen var at same kven som vann, så ville Nes skole ha eit lag vidare til semifinale.
Etter ein jamn start, viste det seg at Nes 2 var litt flinkare enn Nes 1 til å sanke poeng på dei fleste spørsmåla så sigeren gjekk til Nes 2 denne gongen - dei er dermed semifinaleklare.
Neste kvartfinale er 12. mars då Gol 1 møter Hemsedal.
Kvartfinalen mellom Nes 1 og Nes 2 går i reprise onsdag kl. 15