Så berst det i gang på Geilo.

THU gjorde onsdag det fyrste vedtaket som gjer at renoveringa av Geilo sentrum no går frå plan til gjennomføring.

Det vart i møtet gitt klarsignal til bygging av forretningsbygget på tidlegare Texacotomta, der Kirkeng eiendom as skal bygge eit bygg som etter endringar, no skal innehalde forretningar i alle høgder og ikkje fritidshusvære.  Utbyggingsavtalen med Kirkeng eiendom er underteikna og gir eit bidrag til Geilo sentrum på om lag 1,9 millionar kroner. THU ba om at det blir gitt igangsettingsløyve så fort som råd så dermed er det grunn til å tru at grunnarbeida er i gang i løpet av veka.