Kino på Gol frå hausten?

Gol kan no få kino på plaas att frå hausten dersom det går som Utvalet for kutur og levekår no blir invitert til å gjera vedtak om.

Gol har vore utan kino i mange år, og vinteren 04/05 vart det som ei forsøksordning sett opp kinobuss frå Gol til Ål. Erfaringane etter dette er at Gol bør ha sin eigen kino, og for å få det til, vil rådmannen ty til Bygdekinoen frå og med hausten 2005. Ordninga blir fri for kommunalt engasjement då Bygdekinoen ordnar alt frå filmar til billettar og kinomaskinst, men fritidsleiaren i Gol skal administre ordninga.

Kostnaden er 550 kr pr framsyning, men kommunen reknar med at interessa er så stor at prosjektet vil gi overskott til kommunen. Det blir kino 2 gonger i månaden og vil foregå anten på Klubb1(ungdomsklubben) eller samfunnshuset

Det blir tilrådd å få i forhandlingar med bygdekinoen om at Gol får tilbodet frå hausten.