Hol utan vinteropen veg mot vest?

Ordførar Tony Kjøl varsla på hyttemøtet på Geilo laurdag at viss det går som sterke krefter omkring Hol vil, så er Hol utan vinteropen veg mot vest om nokre år.

Ordføraren fortalde forsamlinga at den utgreiinga som Statens Vegvesen har levert om framtidige aust - vest samband i sin konklusjon seier at Rv. 7 over vidda ikkje lenger treng å vera vinteropen når E 134 og Rv 52 er oppgraderte. Og i tillegg så har Sogn og Fjordane fylkeskommune no i brev til ordføraren i Hol varsla at dei ikkje har pengar til å halde Fv. 50 vinteropen lenger.

Dermed står Hol kommune overfor to svært store utfordringar på samferdselssektoren i åra framover.