Klart nei frå Hol kommunestyre til flatt tak på "Nye Breidablikk"
UPU - fagutvalet for reguleringssaker hadde tilrådd at planfremmaren, Hallingdal hytteservice, fekk dispensasjon frå gjeldande reguleringsplan for Geilo slik at dei kunne bygge med flatt tak. Til dagens møte hadde Hol sp fått med seg Kr.f, Venstre og Frp på eit fellesforslag om å si nei til dispensasjon og sende saka attende til planfremmar med pålegg om å koma attende med ny sak dersom han vil det, men då med saltak. Debatten viste at det var full splittelse i dei to store partia, Høgre og AP, og røystinga viste til slutt at 15 representantar var samde i forslaget som sa nei til flatt tak. Saka går dermed attende til Hallingdal hytteservice.
Fekk du ikkje med deg debatten så kjem møtet i reprise frå torsdag kl. 0900.