Hallingplast skal byggje ut i Kleivi.

Tegning: ark. Roar Jørgensen

Hallingplast as skal byggje ut for større produksjon og hall til ferdiggjering/pakking samt nye siloar

Arbeidet med bygginga er tenkt starta opp så snart klarsignal blir gitt og skal stå ferdig til vinteren. Noverande Hallingplastbygg og "Langelandbygget" skal byggjast saman og Langelandbygget skal utvidast i heile lengda. Noverande siloar for plastgranulat skal rivast og nye byggjast lenger vest. Heile området på framsida av dagens produksjon og lager skal parkmessig behandlast og all transport med trailarar m.m. blir lagt nedanom bygga. Nytt areal til utelager er sikra lenger ned mot elva.

STeinar Tragethon i Hallingplast as seier til Radio Hallingdal at det nye pakke/ferdiggjeringsområdet blir på omlag 1000 m2 og utvidinga av Langelandbygget vil omfatte 1700 m2. All produksjon blir flytta over i Langelandbygget.