Stengt Bergensbane i helga
Komande helg er ei stor arbeidshelg for jernbaneverket og det får som vanleg konsekvensar for togtrafikken
Omfattande arbeid på fleire baner komande helg
Både på Bergensbanen, Sørlandsbanen, Vestfoldbanen og Østfoldbanen skal Jernbaneverket gjennomføra arbeid som fører til store endringar i togtrafikken 4.-5. juni, mange tog blir heilt eller strekningsvis erstatta med buss.
Skal du reisa med tog denne helga, rår vi deg derfor til å setja deg inn i dei detaljerte oversiktene på NSBs nettsider, ev. kontakta NSBs kundesenter på telefon 815 00 888.
Arbeid som skal utførast:
Bergensbanen, strekninga Voss-Bergen
*I samband med bygging av ny tunnel Arna-Bergen, skal følgjande gjerast:
-oppmålingsarbeid i Ulriken tunnel i samband med bygging av den nye tunnelen.
-sikring av fjellveggen ved opninga til Ulriken tunnel i Fløen med nett og boltar
-bygging av nytt spor og rampe for beredskapsvogna i Bergen
-trekking av nye signalkablar frå Fløen til Bergen stasjon
-fundamentgraving for kontaktleidningsanlegget i Fløen
*Byte av sporveksel på Stanghelle.
*Innlegging av ny stikkrenne ved Romslo.
Sørlandsbanen, strekninga Egersund-Stavanger
*Innlegging av sporvekslar ved Kvalaberg,
*Arbeid med signalanlegg på Bryne
Østfoldbanen, strekninga Sarpsborg-Halden
*Førebuing til ballstreinsing. (Ballastreinsing betyr maskinell reinsing av pukklaget som svillene ligg i.)
*Arbeid med signalanlegg.
Vestfoldbanen, strekninga Drammen-Larvik-Skien
*Arbeid med vegsikringsanlegg Sandefjord
*Skjenebyte mm.
*Arbeid i samband med dobbeltspor Holm-Nykirke
*Ny bru for E18 mellom Larvik og Skien
Sjølv om togtrafikken er strekningsvis innstilt i anleggsperioden, vil det gå arbeidstog heile helga. Ein må derfor forhalda seg til sporet som normalt:
Tog kan ventast til ei kvar tid
