Elevar frå Geilo og Hemsedal klare for finale.

Torsdag 4.februar er det finale i Innovation camp og 2 lag frå Hallingdal stiller opp

Over 1600 9.klasse-elevar har delteke i dei innleiande rundene i Innovation camp, der to lag frå Hallingdal har kvalifisert seg til finalen.J

Det er «Hallingøksa» frå Geilo barne-og ungdomsskole og «Never Lost» frå Hemsedal barne-og ungdomsskule.

Med fokus på teknologi, design, redesign, kulturelt eller sosialt entreprenørskap har elevane jobba i kreative prosessar for å finne fram til innovative idear som kan løyse utfordringar i lokalsamfunnet. Dei beste gruppene frå Hallingdal, Ringerike og Midtfylket konkurrerte om beste idè på mellomrunden i Hønefoss i november. 5 av laga kvalifiserte seg til finale.

Torsdag 4.februar møter «vinnarane» frå Hønefoss vinnarane frå dei to mellomrundene i Mjøndalen. Totalt 18.lag

I finalen skal dei presentere idéane sine på messestand for publikum og for dommarar frå lokalt næringsliv.

Trond Ask Henriksen frå Hallingdal etablerersenter er juryformann i juryen for beste presentasjon og mest innovative idè. Med seg i juryen har han Else Karin Berg Tafjord frå Skue sparebank på Geilo, i tillegg til representantar frå Ringerike og Drammen.

I forkant av finalen har elevane fått hjelp av studentar ved Visuell kommunikasjon til å utforme logo og profilmateriell.

Finalen opnar kl 10.00, og elevane står på stand i foajeen på Papirbredden i Drammen mellom 10.15 og 12.45.

Sjå vedlagde invitasjon og oversikt over finalistane.

Det skal kårast:

· Mest innovative idè (vinnar av IC 2015-16)

· Beste presentasjon

· Beste stand (eigen jury for dette)