Samling om Nes.
Regionrådet har no samla seg om Nesbyen som staden for eit eventuelt rettssenter for Hallingdal
Regionrådet for Hallingdal har i fleire møte drøfta felles rettssenter og kom i møte i går fram til eit klart samstemt vedtak om lokalisering:
«Regionrådet for Hallingdal ynskjer etablering av felles rettssenter for Hallingdal. Regionrådet ser det som svært viktig i det vidare arbeidet, at Hallingdal står samla, og støttar etablering av felles rettssenter i Nesbyen. Dette er og i tråd med tilråding frå Hallingdal tingrett og Øvre Buskerud jordskifterett om samlokalisering ved dagens tinghus i Nesbyen.
Regionrådet for Hallingdal vil i det vidare arbeidet klargjera sine standpunkt overfor Domstolsadministrasjonen og sentrale styresmakter».