Full splitting om framtidig barnehagestruktur i Gol.

Både fagutvalet UKL og formannskapet sprikar i alle retningar i forhold til kva som skal vera den framtidige barnehagestrukturen i Gol kommune.

Formannskapet hadde saka til handsaming torsdag og det enda opp med at innstillinga frå fagutvalet også vart innstilling frå formannskapet til kommunestyret, Men før det hadde to andre forslag falle.

ling
Saksordførar: Heidi Granli.
Votering
Det vart votert over 3 framlegg til vedtak:
Tore Dag Skjerdal (SP) foreslo:
«Alternativ E vert anbefalt som ny barnehagestruktur i Gol kommune ut ifrå ein økonomisk, pedagogisk og organisatorisk samla vurdering.»
Framlegget til Tore Dag Skjerdal fekk 2 røyster (Skjerdal SP og Medhus H)
Hallvor Lilleslett (V) fremja rådmannen si innstilling, alternativ A. Denne fekk 1 røyst (Hallvor Lilleslett V).
Til sist vart det votert over UKL si innstilling
Denne fekk 6 røyster. (Hallvor Lilleslett V røysta mot).
Vedtak
Faktagrunnlaget og dokumentasjonen som ligg føre er ikkje av slik karakter at det på noverande tidspunkt er grunnlag for å endre barnehagestrukturen. Grunngjevinga for dette er utfordringar og uvisse knytta til mellom anna:
a) Framtidig bruk av kommunale bygg og om Herad skule skal avhendast/leggast ut for sal. Avhending/sal må avklarast før ein avgjer om ein vil nytte bygget til barnehage eller andre kommunale formål. Dette må i så fall vurderast opp mot eventuell bygging av ein ny 5-avdelings barnehage, gjerne med tilknytning til Hallingmoområdet.
b) Vurderingar kring bruk/avhending av bygningane som i dag huser grendabarnehagane.
c) Teknisk tilstand med tekniske installasjonar av eksisterande barnehagebygningar. Tilstand med kostnader må utgreiast.
d) Flytting av lokala til Ungdomsklubben med alternativ og kostnader dersom Breidok barnehage blir utvida.
e) Vurdere om naturbarnehage kan bli ein del av ein framtidig barnehagestruktur.
Det kan vere grunnlag for å drive grendabarnehagar vidare. Då må m.a. soltilhøve, eigna uteareal inkl. tilgjengeleg friareal og alternativ bruk, kostnader til vedlikehald og drift vere med i vurderingane.
7
Barnehagestrukturen i Gol må vurderast i eit langsiktig perspektiv der forholda som nemnd i dette vedtaket, saman med driftskostnadar, faglege kriterier og prognoser for barnetal blir lagt til grunn for beslutningane.

 Her er alternativ E som to røysta for:

E) Breidokk inntil 4,6 avdelingar inklusiv Hallingmo, Vesterhuset inntil 4,6 avdelingar, Rotneim 2 avdelingar, Øygardane 2 avdelingar og Åsgardane 1,3 avdelinga – behalde strukturen som i dag. Inga innsparing på drift.
 Vesterhuset 4 avdelingar som i dag, med to avdelingar som kvar kan ta i mot ein tredels barn ekstra – inga ny investering
 Breidokk 3 avdelingar som i dag, med ein avdeling som kan ta i mot ein tredels barn ekstra og behalde Hallingmo som den 4. avdelinga med ein og ein tredels avdeling – inga ny investering
 Rotneim 2 avdelingar – kostnadsrekna til 5,6 mill. eks. mva.
 Øygardane 2 avdelingar – kostnadsrekna til 2,5 mill. eks. mva.
 Åsgardane 1,3 avdeling – kostnadsrekna til 3 mill. eks. mva.