Geiteutskiftinga redda.

Tine har bestemt seg for å få inn å garantere for dei manglande pengane når det gjeld tilskottet til sanering av geitebesetningane i landet.

Brotet i jordbruksforhandlingane i vår førte til at heile problematikken omkring den pålagte saneringa av geitebesetningane i Norge vart borte og mange geitebønder kom i ei lei økonomisk knipe. Etter innspel blant andre frå ordføraren i Ål og fagorganisasjonane, var saka fredag oppe i næringskomiteen i Stortinget. Derifrå er det kome såpass klare føringar at Tine har bestemt seg for å garantere for dei manglande 16, 8 millionane som mangla for at programmet for sanering kunne gjennomførast. Dette er svært gledeleg for alle geitebønder, seier Ole Egil Trinterud, som du kan høyre i Fredagsmagasinet i kveld.