Gol skule veit mest!

Vinnarlaget: Frå v: Sigbjørn Eide, Silje Tollefsen, Tom Andre Malum, reserve Eirik Akersveen Lied

Eit 50 tals publikum frå både Nes og Gol følgde den direktesendte finalen frå Gol kommunehus. Nes skole starta med å få eit 5 poengs forsprang til Gol då dei i motsetning til golingslaget kunne namnet på kvar einaste ordførar i Hallingdal! Forspranget klarde Nes å halde på ei stund, men så tok Gol til å eta opp forspranget litt etter litt, og etterkvart som 2. del av finalen skrei fram, tok Gol leiinga smått og senn og drog i land sigeren med 5 poengs forskjell.
Det var gledesscener a la EM i fotball då det vart klart at laget frå Gol skule hadde vunne finalen. Det er fyrste gongen Gol skule har eit lag i finalen, og dei markerte det sterkt ved å vinne det heile. NEs har vunne finalen 3 gonger tidlegare.  Begge laga vart honorert med 4000 kr frå Hol sparebank, som gjennom 15 år har vore sponsor for denne populære programposten.

Finalen går i reprise onsdag kl. 0903 og 1503