Vil ha i gang Hallingmoprosjektet.

Formannskapet får no sjansen til å trykke på startknappen for det mykje omtala Hallingmoprosjektet på Gol.

Ordføraren skriv i sine merknadar til saka at Hallingmoprosjektet er ein visjon, ein ide så langt, men at det no må takast tak i dette for over tid å få det realisert til noko som heile Gol kan vera stolt over og som kjem heile Hallingdal til nytte og i tillegg vil bli eit fyrtårn for regionen.

Han foreslår at det blir sett ned ei samordningsgruppe der leiar i UNN, UKL og ordførarn skal vera med. Gol il blir bedne om å setja i gang planlegging av ein storhall som skal bli ein del av Hallingmoprosjektet. Det blir foreslått sett av 40 000 kr til planlegginga no og det skal takast kontakt med fylke for samarbeid. Idrettsrådet på Gol blir bedt om å sjå på kva for idrettsanlegg som i framtida bør vera med i eit slikt område det her er snakk om, både nye og eventuell flytting av eksisterande anlegg.