Kunstnartun i Leveld?

Ei gruppe av gode Leveldingar og andre har sett seg saman og klekt ut ideen om eit kunstnaratun i Leveld.

Det er lang og god tradisjon med å hyse kunstnarar av ulike profesjonar i Leveldbygda, og for å vidareføre denne tradisjonen er no at ei gruppe ser for seg å bruke loftet til Jens Bjørneboe som utgangspunkt for eit kunstnartun med fleir hus. Tunet kan tilbydast som atelier eller skrivarstad, utleigeobjekt for kunstinteresserte, ha ei samling med "Leveldkunst" og dokumentasjon omkring denne. Her kan vera kunstseminar og kulturarrangement og sommarkunstskule for barn og vaksne.

Gruppa ber no Ål kommune om pengar til å koma vidare med ideen, og rådmannen innstiller på at dei skal få 80 000 kr til arbeidet.